قصيدة المكياج

قصيدة المكياج

قصيدة كتبها واحد متعقد من المكياج تقول :


يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...خلها تولي

بنات ترضون الشباب يغلبونا ويتمسخرون علينا تراها والله ما حلوة
يا بنت الناس ابعدي عن المكياج وشوفي نفسك على الحقيقة لا تنخدعي
ابدا مهما بلغت من القبح انا من وجهة نظري نحن ما نحتاج للمكياج

وصح في ملاحضة:بعض شباب الحاضر يستخدمون المكياج باختصار((بودرة،روج،مسكرة))والخ-------------------------------.
هع هع هع لكنها حقيقة

---

rwd]m hgl;dh[

الموضوع الأصلي: قصيدة المكياج || الكاتب: الفراشة الذهبية || المصدر: منتديات نور الاستقامة

سبحان الله وبحمد...سبحان الله العظيم

ههههههه
قصيدة رووووعة
مسكين صاحبنا إنخدع فيها
نسأل الله السلامة والعافية
بارك الله فيك

والله كلامك صح خخخخخخخخخخخخخخخخ
على الميكب

تحياتي

يستااااهل
عيل في واحد يبا وحده بس عشان جمالها؟؟؟؟
وأذا في يوم احترق وجهها؟؟
أو صار لها حادث وتشوهت؟؟
أو تقدم بها العمر وعجزت ؟؟؟ ووجهها صار كله تجاعيد؟؟

هالمره قال السبب المكياج ! لكن في هذه الحالات شو بيكون السبب؟؟!!

عشان كذا انصح الشباب ما يختاروا بالجمال
لما يختاروا يختاروا على اساس الدين والاخلاق والادب
وهذه الصفات هي اللي تخليها اجمل بنت بعيونك مهما صار

لك كل الشكر على القصيدة

تقبلي مروري

ههههههههههههههههههههه
الحمدلله إني أكره المكياااج وما أطيقة في وجهي
لأن صبغة الله هي أفضل من كل شي
والحمدلله ع كل شي

مشكووووورة خيتوووو

	شكرا لك على الطرح الرائع والمميز,,كالعادة مبدع على أمل الأستمرار معنا بطرح كل جديد ومميز . حياك الله

روعـة مآ طـرحتي هنآ فآق منتـهى الروعـة ..

شكرا على المرور وردردكم
دمتم بتميز دائم

شكرا ع الطرح الرائع فراشة
تحياتي للجميع

	نوّرتم الموضوع وحياكم الله شاكرا لكم المرور الكريم على الموضوع تحياتي